.jpg)
Դասընթացի մասին
ԱՆՁՆԱՅԻՆ ՀԱՍՈՒՆՈՒԹՅՈՒՆ․ Ծնողական 12 արգելքներ ու կյանքի սցենար
Ձեր կարծիքով ծնողները ի՞նչ ազդեցություն են ունենում երեխայի վրա, որի արդյունքում մեծանալով չի կարողանում լիարժեք հասուն անձ լինել:
Նրանք հասունանում են ֆիզիկապես, կենսաբանորեն, բայց ոչ անձնային աստիճանում:
Հիմնական պատճառներից մեկն այն է, որ ծնողները տարբեր արգելքների միջոցով կյանքի այնպիսի սցենար են գծում, որի արդյունքում երեխան չի կարողանում հասունանալ անձնային աստիճանում։
Անձնային ոչ հասուն անձի վարքը նման է երեխայի վարքի, որը դրսևորվում է տարբեր նշաններով:
Այդպիսի նշաններ են.
- այլոց հույզերն ու զգացմունքները ճանաչելու անկարողությունը
- բարձր կամ ցածր ինքնագնահատականը
- այլ մարդկանց ապրումակցելու և հասկանալու անկարողությունը
- էգոիզմն ու բարձր էգոցենտրիզմը
- խնդրանքով դիմելու անկարողությունը
- քննադատվելու վախը
- սխալվելու վախը
- հաճախակի կոնֆլիկտները
- օրենքի և ընդունված էթիկայի կանոնների խախտման պահանջը
- այլոց համար ապրելու չգիտակցված ձգտումը
- ուշադրույթան կենտրոնում լինելու բարձր ձգտումը և այլն
Անձնային հասունություն ունեցող անհատը.
- ներդաշնակ է իր ու շրջապատի հետ
- առավել արդյունավետ է ու ադապտիվ
- կառավարում է իր հույզերը
- մտածողությունը դոմինանտում է
- առանց հուզականության ընդունում է իր ցանկալի (դրական) և ոչ ցանկալի (բացասական) կողմերը
- այլոց հետ ունի առողջ փոխհարաբերություն
- կարողանում է վերանայել իր դիսֆունկցիոնալ մտքերն ու վարքը և փոխել դրանք
Անձնային հասունության խնդիրը բնորոշ է շատերիս, պարզապես ամեն մեկիս մեջ արտահայտվում է տարբեր աստիճայով:
Դասընթացի ժամանակ քննարկում ենք․
- ինչ է անձնային հասունությունը (սահմանումը)
- ինչպես է սոցիումը (մասնավորապես ծնողները) ազդում երեխայի անձի ձևավորման վրա
- անձնային հասուն և ոչ հասուն անհատների համեմատական 30-ից ավել նշանները
- ինչպես է անձնային հասունության խնդիրը արտացոլվում փոխհարաբերությունների մեջ
- որոնք են ծնողական 12 արգելքները, որոնք հետք են թողնում երեխայի անձի հասունության վրա
- ինչ է կյանքի սցենարը և ինչպես է այն «գծվում»
ինչ է պետք անել
Տվյալ դասընթացը նախատեսված է․
- ծնողների
- մանկավարժների
- հոգեբանների
- և այն անձանց համար, ովքեր կարևորում են անձնային աճը, ցանկանում են սկսել ճանաչել սեփական անձին և ձգտում են ունենալ առողջ փոխհարաբերություն:
Նյութը տվյալ դասընթացի ձայնագրությունն է։
